| 失業剛好一個月。
表面上的安穩自在都開始蕩然無存了。
最明顯自己的身理開始出現問題﹐
假裝的鎮靜實在掩飾不了內在暗藏的緊張﹐
其實大概一早已經開始焦急起來。
哈哈﹐
今次又唔知要攪幾耐先揾到野做喇。
唯有繼續等待再期待。
再難的難關也得撐下去﹐
縱使耗盡最後一分一點氣力。
沒有工作也不得不節省一點。
|
| |
| 求職妄想:
1 成日以為個電話壞o左﹑唔識響﹑網絡接收有問題﹑人地打唔到o黎搵自己;
2 覺得某些自己眼中所謂o既筍工寄予過份希望而默默等待一個見工o既機會;
3 為自己限制於框框之內o既指定行業﹑工種範圍之內作出選擇;
4 最嚴重係連自己成功見到﹑得到呢份工之後會發生o既事都試圖去推測埋...。
哈哈﹐
以上o既都不過係我自己個人o既壞習慣﹐
如有類同﹐實屬巧合。
發自內心o既關心﹐
就算是以簡單的交字去表達﹑演繹﹐
還是會被感受得到的﹐
至少這點我是可以肯定的。
|
| |
| 有時侯﹐
內心邪惡的願望﹑慾念能夠於夢中實現﹐
也不失為一件樂事﹐哈。
果然係一個衰人:P
工﹐
努力搵緊﹐
繼續努力。
一日朋友﹐
一世都應該係朋友﹐
做唔做到當然係唔係全部都由自己控制得到﹐
但係至少我希望我自己可以做得到。
|
| |
| "心裡心裡有個謎 難解難計"...
或許每個人都總會有至少一個不可告人的秘密埋藏於內心之中﹐
背後不可告人的原因也可以是五花八門﹐
不過無論原因如何就是不願意﹑不希望﹑不可能這個秘密會被自己以外的人去發現﹑分享。
當然要守住一個秘密實在會教人疲累﹐
可能成功堅守一輩子﹐
又可能還是在有生之年就跟某個或是某些人分享了。
要我去想我有沒有秘密?
我想又好像沒有﹐
如果"窮"都算係的話就有喇﹐
因為都好似無咩唔可以同人講o既。
(或者係我記性差唔記得野啦...哈。)
講咁耐都唔知自己想講咩......
哈哈﹐
習慣廢話太多。
"頭頭碰著黑"﹑"越窮越見鬼"呢D說話﹐
好似簡單9 up一句﹐
其實都真係有時幾有佢道理。
好似我而家咁﹐
呢幾句都幾啱用o黎形容自己﹐
當然唔係想怨個天咩野定點樣﹐
我明白自己都有好大問題同責任﹐
不過有時候就係o係你最需要努力﹑振作o既時候﹐
總是會發生些什麼樣的事再為你加多點阻礙﹑壓力去挑戰你的忍耐﹑適應性﹐
當然最後能否撐得過還是要靠自己。
我只知道現在的就是需要一份工作﹐
以及有義務就必須有責任﹐
承擔起一切能不能容下的責任。
由那天起天真的以為自己可以控制得到如往昔一模一樣的時候﹐
其實昨天的那一個我早已死去了﹐
帶著某些感覺離去。
身邊的不用擔心我﹐
我就是這樣的一路成長著﹐
沒有撐不過的事﹐
就算有﹐
最後也總會讓自己活下來﹐
不會輕易的倒下。
哈哈﹐
真係成篇野都唔知自己講緊咩﹐
完全同自己都唔知自己想點一樣。
|
| |
